بسم الله الرحمن الرحيم
من تجاربي مع أصدقائي واللي حوليني أكتشفت أن أقرب أو أفضل وتر تقدر تجذب الناس حوليك أهو خلينا نقول ( العزف على الوتر الحساس) يعني كلمه بسيطه أمسك اي واحد من اصدقائك وحاول انك تشكيله همومك واللي في قلبك , مع مرور الوقت تلاحظ أن أهو برضو يبدأ شوي شوي يطلع اللي في قلبه من هموم وأحزان طبعا ما أقصد أني أمسك أي واحد وأقوله أسراري لا بس الشاهد هنا أن هذا الأسلوب يمشي وبكل بساطه ... يعني بصريح العبارة( تخلي القلوب أهي اللي تتكلم) ونا اليوم جايب موضوع أنشاء الله نستفيد منه...
وهو عبارة عن سؤال بسيط بس هالمره ماهو مع شخص لا مع نفسك أنت .
وأتمنى الكل يشارك سؤال بسيط جدا بس جوابه جداجدا صعب!!!
ما أطول عليكم .
مره سألت نفسك أو أنتِ سألتي نفسك أنا منو شنو دوري في ذي الحياة , نمط حياتي , الكيفية اللي أنا عايش فيها تتلائم مع كوني( إنسان) أو أن شهواتي أهي اللي تقودني أو مجرد النظر للوقت وأهو يمشي واليوم مثل بكره مثل الأمس, ماكو شي جديد مره سألت نفسك شنو هدفك في الحياة , مره سألت نفسك أنت راضي عن نفسك أو لا , دخولك للمنتدى راح تستفيد منه أو مضيعه للوقت , تجاربك في الحياة, طريقة تفكيرك وكلامك تتلائم مع عمرك من حيث المنطق الثقافة ....
شنو الشي اللي يخليك مبسوط من نفسك وشنو الشي اللي مايخليك تنام ؟؟ ماسألت نفسك ليش ليش ما أحاولت تبحث عن الأسباب!!
ما أتكلم أنا هنا من باب ديني لا خلونا نعتبره رقي وكمال لحياة الإنسان, طبعا هذا ينافي الدين لأن الدين عبارة عن طريق, مسيرة ,الدين منهج .لأن للأسف كثير من الناس ينفر إذا جيته من باب ديني وتاخذه العزه بالنفس خلونا اليوم ناخذ لفة كاملة في نهاية الأمر بنرجع لنفس الشي وهو الدين
أسمحولي طولت عليكم بس في نقطة أخيره وطبعا هذا أجتهاد مني ماهو منقول من منتدى وهذي أول دراسه عملية أطبقها؟؟؟
تبي تعرف منو أنت أو شنو طريقة تفكيرك أو خل نقول تحليل بسيط لشخصيتك.
بعد ماتجاوب على سؤالي أرجع مره ثانية وحاول أنك ترد على جوابك أنت وشف شنو الفرق رايح تلاحظ مثلاسرعه في الرد , عدم فهمك للموضوع ,جوابك الثاني رايح يكون أفضل وهكذا الثالث أفضل وأفضل وأفضل وبهذي الطريقة تقدر أنت تسويها في بيتكم أو مع ربعك أو مع أخوانك بحيث أنك تبحث في نفسك شنهي النواقص اللي يبيلك تداركها وشنهي الإجابايات اللي لابد تحفزها
وأسمحولي على طريقة ألقاء الموضوع ... أنا وهذي وجهة نظري أن المواضيع اللي مثل كذا حلو الواحد يدخل ويدردش فيها ببساطه
الأربعاء يوليو 25, 2007 9:13 pm